فٹبالر بننا چاہتا تھا لیکن ۔۔ 11 سالہ فلسطینی بچہ کس کھلاڑی کا مداح تھا اور اس کا خواب کیوں پورا نہ ہوسکا؟

زندگی ایک پل میں کیسے تبدیل ہوتی ہے یہ کوئی فلسطینی بچوں سے پوچھے، جنہیں یہ بھی معلوم نہیں ہوتا کہ صبح ان کا گھر، گھر والے یا پھر با ذاتِ خود وہ زندہ بچیں گے یا نہیں۔

اسرائیلی جارحیت کی وجہ سے فلسطین میں کتنے ننھے بچے اپنے آنکھوں میں خواب سجائے مٹی تلے دب گئے اور کتنے بچے ایسے ہیں جو ابھی بھی اپنے خوابوں کو پورا کرنا چاہتے ہیں۔

روزانہ کی بنیاد پر کسی نہ کسی معصوم بچے کی دل دہلا دینے والی ویڈیو منظر عام پر آتی ہے جسے دیکھ کر ہر کوئی خون کے آنسو روتا ہے۔

ایسی ہی ایک اور رُلا دینے والی ویڈیو سامنے آئی جس میں ایک 11 سالہ بچہ اپنا ادھورہ خواب بتاتے ہوئے رو پڑتا ہے۔

11 سالہ فلسطینی بچہ سالہ آصف ابو مہدی جو فٹبالر بننا چاہتا تھا لیکن اسرائیل نے اس بچے کا خواب چھین لیا۔

11 بچہ مراکشی فٹبالر یاسین بونو کا فین ہے اور بچے نے خواہش ظاہر کی تھی کہ اسے موقع ملا تو اپنے آئیڈیل بونو سے ملنے جائے گا۔

جب مراکش فٹبالر کو اپنے ننھے فلسطینی مداح کو پتا چلا تو انہوں نے فوراً ہی کال کرکے بچے کا دل رکھ لیا۔

آصف نے فون پر بات کرنے کے بعد کہا کہ، "میرا خواب ابھی پورا ہوا"۔ غزہ میں اسرائیلی فضائی حملے میں آصف ابو مہدی اپنی ٹانگ کھو بیٹھا تھا۔ اس کا خواب ہے کہ وہ فٹ بال کی پچ پر واپس آئے اور اپنے آئیڈیل مراکش کے گول کیپر یاسین بونو کی طرح کھیلے، جس نے آصف کو فون کرکے اس کی خیریت دریافت کی۔